抄風

有些時候，你不得不佩服黃偉文、林夕。

有些時候，你不得不佩服杜琪峰、邱禮濤。

我想講乜呢？我想講創意人在香港社會環境下的畸形人生。即是，製作時間要快、成本要低、創意又要好，即如，香港廣告人在畸型肧胎成長，一方面可以自吹自擂自己是創意尖子，黑框眼鏡早已戴得潮爆型爆，另一方面呢，他又可挾持天大名氣來抄襲他國廣告，魚目企圖混入珠。

我見過幾多創意人手持幾本 I-D、Wallpaper就闖入時尚潮流界，今天抄這，明天仿那，說他是世界仔時他又強調這是香港特色，轉過頭在網上、電台、雜誌繼續潮爆見解，再以高檔消費來引證自己的創意品味。

老實講，如何頂住商業壓力來發揮創意，文中開首提到的幾位人辦也是各有特色，互有高下，只是，假如你稍一失神，無啦啦借用了他人創意，再講甚麼商業壓力都只有徒然。在香港，隨街都見抄襲而來的廣告成品，但在同樣風景與氛圍之下，一樣另有香港廣告隊伍靜靜地贏得了康城最高榮譽。

所以，莫姓賴，創意人無分國籍種族，再賴市場、老闆、客戶、觀眾、媒體、社會、香港、中國、亞洲、世界都只是自暴其短，惹人話柄。


咁又係唔係抄呢？