網民啊網民

好怕好怕，見報章記者越來越鍾意寫「網民」意見，例如，話大批網民在討論區上話阿姐做司儀唔夠專業，又或者，表示很多年青網民的網誌上都透露有自殺傾向等。

不如……去死啦。

不敢講明是記者自己意見，又不願去做實證深入調查，為求寫夠字數趕放工，就左一句「網民」右一句「網民」，你估網民真係得一個人啊，點可以空口就話出這就是大部分網民的意向呢，你信媒體網站的網上投票，還是年青人討論區的網站調查先？

即係話，一件事情，好似話葉劉淑儀個樣咁，都一定有人在網誌上大鬧樣衰，也一定有人話佢越變越靚（！）。至於記者寫左還是選右，一切一切，其實都是自己心態、報紙立場，咁又關網民甚麼事。賴乜鬼！

更恐怖的，是看幾個自稱學生仔的網誌，就說出原來很多學生仔有自殺傾向，咁樣，我估我不難發現現今學生哥都有強奸、暴力、殺人、偷竊等傾向呢。咁又點計？

而我這個中年老人，應該有燒哂所有報館的傾向啊。