弊傢伙

弊，我已經開始懷念TVB。

話唔好話唔好，我也差不多晚晚看《同事三分親》，早前看超過大半集數的《銀樓金粉》，還有，隔離叫明珠的番鬼妹，我周周追看《Shark》、《Lost》、《Without a Trace》、《Ugly Betty》及新劇《Pushing Daisies》等。係架，你咪話我製造恐慌，愚忠笨伯，只要你曾看過近期亞視國際台的外語劇集，而巧恰地又與我一樣英文麻麻，要睇字幕，你就明白大陸機械字幕翻譯有幾咁恐怖。

貪錢的TVB已經討人厭，但貪錢又染紅的TVB就應該會聯同隔離華南亞伯，令大半香港觀眾痛不欲生，你看，現在又有幾多人看報雜、看雜誌、看電影呢，當連電視都失去趣味，下一代香港人簡直應該有如身處荒島，唯有上網、NDS、PS2、Wii不離不棄。

我想話，香港的創作人，振作啊！香港的普羅大眾，小心啊！大家日日追看中央台的節錄救災新聞雖然問題不大，但當香港記者都因乜總乜理的一句話而引以自豪，我還是情願看人亂揭瘡疤，社會不和諧啊。

紅色，有如麻辣窩底，越食越想食，越食又越失去知覺，叫人麻木。

我知，自我懂事以來都差不多日日鬧住TVB，只是，當你面臨失去，當你明知紅日當前。六叔，唔該撐落去。